Skip to content

Cynefin

Mae Cynefin yn dwyn ynghyd bobl, grwpiau, cwmnïau a mudiadau sy’n darparu gwasanaethau lleol, er mwyn gwella eu cymunedau neu eu mannau gweithio.

Mae Cynefin yn eu helpu i wneud eu cymuned yn lanach, mwy diogel ac yn brafiach i fyw ynddi. Mae hefyd yn cynnig cyfle i fusnesau a phobl gael gwaith a gwella eu hincwm.

Ym mhle mae Cynefin ar waith?

Mae ‘Cydlynwyr Lleoedd’ Cynefin yn gweithio mewn 9 cymuned ar draws Cymru, sef:

  • Ynys Môn (Niwbwrch)
  • Caerdydd (Cathays, Plasnewydd ac Adamsdown)
  • Sir Gaerfyrddin (Llanelli)
  • Merthyr Tudful
  • Castell-nedd Port Talbot  (Canol Tref Castell-nedd a Stad Fairyland)
  • Casnewydd (Maindee)
  • Rhondda Cynon Taf
  • Abertawe (Ward Penderi) 
  • Wrecsam (Parc Caia a Cefn Mawr).

Mae’r Cydlynwyr Lle’n siarad â phobl sy’n gweithio ac yn byw yn y gymuned, i ganfod cryfderau a phroblemau’r gymuned a meddwl sut gellir gwella’r lle a chynnig mwy o gyfleoedd.

Beth mae Cynefin yn ei wneud?

Bydd y Cydlynywyr Lle’n ystyried pa faterion sy’n gallu cael eu taclo gan y gymuned, gan y llywodraeth a chan gyflenwyr gwasanaethau eraill. Gallai’r camau gweithredu gynnwys:

  • gwneud yr ardal yn lannach
  • cynyddu a gwella’r mannau awyr agored sydd ar gael
  • gwella’r cyfleoedd ar gyfer swyddi a hyfforddiant
  • gwella iechyd pobl yn yr ardal
  • datblygu cynllun i ymdopi ag argyfwng lleol fel llifogydd.

Mae’r Cydlynwyr Lle’n edrych ymlaen hefyd at helpu cymunedau i wla ar y pethau da sydd yn eu hardal, er enghraifft:

  • datblygu tir segur i dyfu bwyd lleol
  • helpu’r gymuned i greu ei ynni ei hunan
  • creu cynllun bancio amser i’r gymuned.

Drwy wneud hyn, gall cymunedau helpu eu hunain i deimlo’n fwy diogel a chryf drwy wneud y canlynol:

  • meddwl sut y gallent ddelio â llifogydd neu eira mawr
  • datblygu eu sgiliau fel eu bod yn gallu ymdopi’n well â chyfnodau economaidd anodd

Sut allaf i gymryd rhan?

Cynhaliwyd digwyddiadau i drafod materion yn llawer o’r ardaloedd hyn. Mae’r Cydlynwyr Lle’n edrych ar ffyrdd o ddatblygu syniadau a mentrau syn’ addas i’w hanghenion. Os hoffech chi gymryd rhan, cysylltwch â’r Cydlynydd Lle yn eich ardal chi (dolen allanol, Saesneg yn unig).