Skip to content
Cofrestrwch ar gyfer y canlynol: Cylchlythyr | Newyddion

Cynlluniau gan Lywodraeth Cymru i ehangu ffatri ar gyfer Invertek Drives yn creu rhagor o swyddi

Bydd prosiect gwerth £5 miliwn gan Lywodraeth Cymru i adeiladu ffatri yn galluogi cwmni sy'n gwneud gyriannau amrywio cyflymder i greu 50 o swyddi ychwanegol yn y Trallwng erbyn 2020.
Dydd Mawrth 12 Medi 2017

Mae Invertek Drives Ltd yn cyflogi 180 o bobl yn barod. Fe'i sefydlwyd gyntaf ym 1998 i wneud rheolyddion ar gyfer motorau trydan sy'n cael eu defnyddio mewn popeth o beiriannau, ffaniau a chludyddion i beirannau codi.

Mae gan y cwmni gynlluniau uchelgeisiol i gynyddu ei drosiant i £50 miliwn erbyn 2022 ac i gynyddu nifer y gweithwyr i 230. 

Mae'r cwmni wedi tyfu'n gyson, gan sicrhau gwerthiant byd-eang o fwy na £30 miliwn ac mae'n gwerthu ac yn gwasanaethu ei gynhyrchion mewn mwy nag 80 o wledydd ledled y byd. 

Mae'r ffatri newydd yn hanfodol er mwyn iddo fedru parhau i dyfu ac mae angen adeiladau mwy o faint ar y cwmni er mwyn iddo fedru cynhyrchu mwy a dod â'i holl weithgarwch yn y Trallwng ynghyd ar un safle.

Dywedodd Ysgrifennydd yr Economi, Ken Skates: 

"Dw i'n falch bod ein cyfraniad ni at y cynllun hwn yn ategu'r weledigaeth sydd gennym ar gyfer gwella economi Cymru, gan ddiogelu swyddi sy'n bodoli eisoes a chreu swyddi newydd.

“Mae Invertek Drives yn dod â budd i'r gymuned eisoes drwy gyflogi pobl a thrwy ddefnyddio cadwyni cyflenwi lleol. Bydd yr ehangu hwn yn ei helpu i gael hyd yn oed fwy o effaith ar yr economi.

"Rydyn ni'n hynod falch o gael y cyfle i'w helpu i wireddu'r cynlluniau uchelgeisiol sydd ganddo ar gyfer y dyfodol."

Dywedodd Charles Haspel, Cyfarwyddwr Gweithrediadau Invertek Drives:

"Mae'r datblygiad newydd pwysig hwn yn cadarnhau ymrwymiad sylweddol Invertek i ranbarth y Canolbarth wrth iddo fynd ati i geisio tyfu ymhellach yn y farchnad uwch-dechnoleg ryngwladol mewn awtomatiaeth ddiwydiannol."  

 

Rhannu

Delicious
Delicious
Digg
Digg
reddit
reddit
Facebook
Facebook
 
Ynglyn a nodi tudalennau cymdeithasol

Perthnasol

Tagiau

Busnes a'r economi 12 Medi 2017 Y Canolbarth
 
 

Newyddion yn ôl dyddiad

 
Medi 2017
Ll M M I G S S
<< Aws    
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30  
I'n dilyn ni trowch i